जनकपुरधाम
पुस १५ गते ।
यूएसआईडी, सिएसएम चेलेन्ज फण्ड अन्र्तगत द एशिया फाउण्डेसनको सहयोगमा आँगन संस्थाद्धारा संचालित “पहुँच”– विद्यालयहरूमा सामुदायिक संलग्नता र सिकाइ निर्माण परियोजना बटेश्वर गाउँपालिकामा संचालन गरिएको छ । उक्त परियोजना अन्तर्गत बटेश्वर गाउँ पालिका वडा नं. ४ को बजार टोल र वार्ड. ५ को चन्द्रपुरको मुसलीम समुदायको मोदरसा र बिद्यालयमा अध्ययनरत वालवालिकाहरुको अभिभावकहरुलाई सकारात्मक अभिभावक सत्र कार्यक्रम सोमवार संचालन गरिएको छ ।
उक्त कार्यक्रममा अभिभावकहरुलाई आ आफनो बालबालिकालाई नियमित बिद्यालय पठाउने, पोषणयुक्त खानेकुरा, सरसफाई लगायतका बिषय बस्तुमा केन्द्रीतरही अभिमुखिकरण कार्यक्रम संचालन गरिएको छ । कार्यक्रममा अभिभावकहरुलाई बालबालिकाको भावनात्मक सामाजिक र बौद्धिक विकासलाई प्रोत्हान गर्ने सिपहरु समेत सिकाइएको थियो । अभिभावकहरुले आ आफ्ना समस्या त्यसको समाधान कसरी गर्न सकिन्छ भनि छलफल गर्नुका साथै बालबालिकामा तनाव, स्मार्टफोनको लत, पढाई प्रतिको रुचिमा देखिएको कमीलाई सामाधानको उपाय तथा वालवालिकाहरुको उज्वल भविष्यको लागि बिस्तृतरुपमा छलफल आदान प्रदान गरिको थियो ।
उक्त परियोजना संचालन देखि हाल सम्म ७३५ जना वालवालिकाहरुको अभिभावकहरुलाई सहभागि गराईसके आँगन संस्थाको अध्यक्ष मिथलेश साहले जानकारी दिनुभयो । कार्यक्रममा सेवा निबृत शिक्षक समुह द्धारा सहजीकरण गरिएको थियो ।
